Cider Makers Dinner
Restauranten er open for Cider Makers Dinner:
juli: måndag-laurdag kl 19:00
august: onsdag-fredag kl 19.00
Sommaren 2026 tilbyr vi Cider Makers Dinner, middag kr 990 med høve til å kjøpe drikke (ciderpakke kr 500,- eller alkoholfri pakke kr 450,-) til maten.
Mottaking med velkomstdrikke kl 19.00 og middag servert kl 19.30.
Ein middag i Ciderhuset
Menyen blir komponert ut frå kva som passar godt til ciderane våre. Menyen og matrettane er i stadig utvikling. Det same gjeld kva for cider eller fruktvin vi set til kva type mat. Så ikkje vent å få akkurat det same som du fekk i fjor!
Ciderhuset serverer mat som kjem frå folk vi kjenner rundt oss; økologisk storfekjøt frå Geirmund og Sissel i Hanevika, eller pølser og kjøtbollar frå Olav Arnar i Vik, lam og grønsaker frå Renate i Vetlefjorden eller røykelaks frå Keipen lokalmat i Balestrand.
Den økologiske iskremen har Laureen og Guus laga i Feios, og i bærsesongen kjem Oddvar med jordbær frå Menes, og Ingrid med bringebær frå Thue, eller Åslaug kjem med dei «heilt frå Vik»!
Noko kjem skikkeleg langvegs frå – som krydderet mor til Tuba tek med frå Tyrkia. Dette blir det ein herleg miks av Noreg og Tyrkia utav til slutt.
Tuba brukar å seie at vi har ureist drikke, kortreist mat og langreist kokk!
